بسم الله الرحمن الرحيم
موضوعنا النهاردة باسم
كيف تختار هاتفك - مقارنة الموبايلات او الهواتف فى نفس الفئة السعرية
 |
كيف تختار هاتفك - مقارنة الموبايلات او الهواتف فى نفس الفئة السعرية |
* لو مش حابب تقرا فى فيديو بيلخص الموضوع هتلاقيه فى اخر المقال *
مبدئيا كده لازم تكون عارف ومتاكد ان مفيش هاتف كامل مهما كان سعره والا مكنش فيه غير موبايل واحد فى كل سعر او شركة واحدة الى بتشتغل وبتبيع ... لكن بما ان اهتمامات الناس مختلفة فالموبايلات موجودة عشان تلبي اهتمامات الناس المختلفة .
كيف تختار هاتفك ؟!
لو انت فهمت الفقرة الى فاتت هتففهم انه لازم تكون محدد اهتماماتك الى محتاجها من الموبايل .. يعنى ايه هو المهم فالاهم بالنسبالك هل الكاميرا رقم واحد ولا المعالج ولا الرام ولا الذاكرة ولا الاداء ولا سهولة وسلاسة التنقل والاستخدام ولا البراند .. ولا توازن بين الجميع بدرجات مختلفة ده الى محتاج تعرفه عشان تقدر تحدد بالنسبالك انه موبايل او هاتف انسب ليك ولاحتياجاتك
مقارنة الموبايلات - كيف تقارن الهواتف فى نفس الفئة السعرية ؟!
من خلال الفقرة الى فاتت الا وهى كيف تختار هاتفك لازم تكون لاحظت ان فى كل فئة سعرية هيكون فى اكتر من هاتف فيها وكل واحد هيقدملك ميزة غير التانى وكل واحد فيه مميزات مختلفة .. اه هيكون فى كتير من الهواتف هتكون مستبعدة تماما لان منافستهم بعيدة فى كل الحاجات لاكن لازم يكون معاك على الاقل قائمة من 3 ل 5 هواتف فى كل فئة سعرية عشان تقدر تقارن ما بينهم . وتختار الانسبلك .
طيب تعرف منين ايه هى افضل الموبايلات او الهواتف فى فئة سعرية معينة ؟!
عشان تقدر تحكم بنفسك لازم يكون عندك خلفية مسبقة عن الهواتف .. الهواتف دلوقت سوق كبير ومش بالبراند مفيش حاجة اسمها شركة افضل من شركة لو عاوز تكون الخلفية ده عندك تقدر تتابع سلسلة الشروحات الى بنقدمها هنشرح كل حاجة لحد ما توصل انك تعرف باذن الله تحكم على كل حاجة صغيرة كانت او كبيرة من خلال نفسك انت مش من طرف حد تانى - طيب لو معندكش الخلفية المناسبة لازم تسال حد عنده فكرة عن الهواتف يفضل ميكونش تاجر او حد ليه مصلحة لانه ببساطة مصلحته هتطغى عليه قبليك وليس كلامنا هنا عن كل التجار ولكن كثيرا منهم .. ممكن تسال ايا من المراجعين المحترمين او ممكن تسالنا احنا من خلال صفحتنا على facebook والى تقدر تستفسر من خلالها فى اى وقت وهنرشحلك افضل الهواتف والهاتف الى شايفينه اكثر اتزانا فى كل فئة سعرية ومميزات كل هاتف عن الاخر بشكل محدث او تابعنا فى المقالة القادمة والى هتكون بعنوان ( افضل الهواتف فى فئات السعر المختلفة - افضل اسعار الهواتف فى مصر) والى هيكون محدث باستمرار ان شاء الله .
يهمك ايضا قراءة المقال التالى (ما هو افضل براند او ماركة موبايل ؟! )
كيفية مقارنة الموبايلات او الهواتف ؟!
هتعمل جدول زى الى هتلاقيه تحت ده هتقسمه ما بين الموبايلات واولوياتك الى حددتها فوق .. مثلا هناك ثلاث هواتف وهما هاتف A وهاتف B وهاتف C .
مميزات الهاتف A : بطارية كبيرة .. اداء متوسط .. بصمة .. كاميرا متوسطة .. ذاكرة متوسطة .
مميزات الهاتف B :اداء قوي جدا للالعاب .. بطارية ضعيفة .. كاميرا متوسطة .. بدون بصمة .
مميزات الهاتف C : كاميرا ممتازة .. اداء متوسط .. بطارية متوسطة .. رام قليلة .. ذاكرة داخلية كبيرة ... براند قوي .
اولوياتى : مش محتاج العاب وكل شغلى سوشيال ميديا ومكالمات وبرامج بسيطة لمتابعة عملى ... بطارية كبيرة جدا .. كاميرا ممتازة .. بصمة .. رام كبيرة .
رتب اولوياتك الاهم فالمهم
- البطارية هى الاولوية القصوى .
- الامان هو ثانى اهم اولوية .
-الكاميرا هى الاولوية الثالثة .
- الذاكرة الداخلية هى الاولولية الرابعة .
علم صح قدام الهاتف المناسب لاولوياتك .
فى الجدول هتلاقى ان اهم 2 من اولوياتى موجودين فى اول هاتف رقم A والباقى موجود بشكل متزن .. الهاتف B رغم قوة ادائه الا انه غير مناسب لى تماما . الهاتف C يحتوى على الاثنين الاقل رتبة من اولوياتى .
فانا هنا هستبعد B نهائيا وهاخد A الى على الاقل هيلبى لى اهم اولوياتى لان C لم يلبى الاولويات الاهم .
طريقة اخرى : على نفس الجدول اعتبر نفسك مدرس :) هتدي للجهاز الى هيلبيلك الاولوية الاولى 20 نقطة والى هيلبى الثانية 15 نقطة والى هيلبى الثالثة 10 نقط والى هيلبى الرابعة 10 نقط .. والى هيلبى واحدة فيهم بطريقة متوسطة 3 نقط
هتجد ان مجموع الهاتف A :
20+15+3+3+3 يعنى 47 نقطة .
فى حين ان الهاتف B :
3+3 = 6 لانه مش مديك اولوياتك فبالنسبالك الباقى مجرد 3 .
فى حين ان الهاتف C :
10+3+3+10+3 يعنى 29 نقطة .
يبقى الى هيلبى اولوياتك فعلا هو A
 |
| كيف تختار هاتفك - مقارنة الموبايلات او الهواتف فى نفس الفئة السعرية |
**********************************
الموضوع قلب رياضة فجاة لكن الصح انك تختار بنفسك واختيارك هيكون مرة كل فترة انت مش بتغير هاتف كل يوم .
اما لو عاوز تريح نفسك وتسالنى ايه الافضل .. فهيكون راى المراجع لو جاوبك بهاتف واحد فقط هيكون هو الهاتف الاكثر توازنا او الى هيلبى احتياجات معظم الناس الا لو سالته ايه الهاتف الى يناسب احتياجاتى وانا اولوياتى كذا ...
******
فيديو الشرح
******
فيديو الشرح
******
فى النهاية بتمنى اكون وفقت فى شرحي واى استفسار متابع تعليقاتكم
كلمات دلالية : مقارنة الموبايلات , كيف تختار هاتفك , افضل هاتف فى سعر
************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
ولا تنسى الاعجاب بالصفحة