افضل انواع الباور بانك

بسم الله الرحمن الرحيم

افضل انواع الباور بانك - power banks

النهاردة باذن الله هنتكلم عن موضوع يهمنا كلنا وهو ايه هى افضل انواع الباور بانك - power banks الى متواجدة حاليا فى السوق المصرى ومنين ممكن تشتريها وازاى تحدد انه الانسب ليك .

فى الفترة الى فاتت اصبحت من الاساسيات مع اى شخص معاه هاتف تقريبا لازم يكون معاه power bank وبصراحة هو حل منقذ جدا لينا فى كثير من الاوقات ولازم يكون معاك خاصة لو بطارية الهاتف فترة صمودها مش كبيرة فلازم تفكر جديا فى انك يكون معاك جهاز يساعدك فى المواقف ده وكمان احيانا بيبقى فى ظروف طارئة كتير وفجاء ميكونش متاح بطارية .. فيكون الحل حاجة من اتنين اما يكون معاك بطارية بديلة وده مش حل عملى اوي فى طريقة شحنها وكمان تبديلها وقت الحاجة وكمان اغلب الهواتف الحديثة بطاريتها غير قابلة للازالة والحل التانى وده موضوعنا النهاردة وهو ال power bank او الباور بانك

افضل انواع الباور بانك - power banks

ايه هو ال باور بانك - power bank ؟

هو جهاز يمكنك اعتباره بطارية متنقلة بيكون قابل للشحن ومن خلاله بتاخده فى اى مكان ووقت ما يكون الهاتف محتاج شحن تقدر تشحنه مباشرة من خلال الجهاز ده .. فى غالب الاحيان بيكون صغير الحجم ومبياخدش مساحة كبيرة .

الباور بانك بيشحن الهاتف كام مرة ؟!

ده بيعتمد بشكل كبير على سعة الباور بانك فالباور بانك بسعة 10000 ملى امبير بيشحن ضعف عدد المرات للى سعته 5000 ملى امبير فقط وبيعتمد ايضا على سعة بطارية هاتفك ايضا فلو سعة هاتفك 2000 ملى امبير من المتوقع ان يشحن مرتين من خلال ال 5000 ملى امبير وعلى الاقل 4 مرات من الاخر ذو ال 10000 ملى امبير .

افضل باور بانك ليك ؟!

شوف احتياجاتك على حسب السعر الى انت محتاجه وعلى اساس السعر ده ابتدى اختار يفضل بشكل كبير يكون من احد البراندات الى ذاكرينها لان الانواع الغير اصلية بيكون منها مشاكل كتير وبتبوظ بشكل اسرع بكتير .. احسب انت مثلا الفون بيقعد معاك كام ساعة وانت محتاجه كام ساعة يعنى لو هاتف بطاريته 4000 ملى امبير يكون كافى ليه باور بانك فى الغالب 8000 ملى امبير هتكفى احتياجاتك اليومية .بشكل عام للاستخدام اليومى مهما كان كمية استخدامك 8000 هيكون مناسب جدا ليك .

كمان لو هتجيب حاجة رخيصة غالبا مش هتكون بتدعم الشحن الذكى فحاول وانت بتشترى الباور البانك تتاكد ان الخرج بتاع نفس خرج الشاحن من الفولت والامبير.

لو بيدعم الشحن الذكى مش هيواجهك مشاكل فى الحتة ده لانه بيدى للفون الى محتاجه بالظبط ..

فى انواع اغلى من الباور بانك بتدعم الشحن السريع لو جهازك مش بيدعم الشحن السريع فمش هتكون ميزة مهمة بالنسبالك متستاهلش انك تدفع فيها .

حاول يكون فى اكتر عدد من المخارج لو 10000 ملى امبير فيما فوق ميزة جيدة لو هتشحن اكتر من فون فى نفس الوقت

1- باور بنك سونى -sony : سعره عالى ولكن من افضل الانواع الى موجودة فى السوق تقدر تعرف سعره

2- انكر - anker : نوع نضيف جدا جدا سعره مرتفع نوعا ما اقل من sony وبيدى خامات واداء ممتاز جدا

3- شاومي - xiaomi : من الشركة شاومي المعروفة بالهواتف ممتاز جدا وسعره متوسط دائما وبيادملك الى محتاجه من اى باور بانك
4- بايسن - pisen : شركة جيدة ياتى تدريجها بعد الثلاث شركات فى الاعلى بتقدم خامات معقولة بسعر جيد
5- ريماكس - remax : فى الفئة الاقتصادية فقط لكن لو تقدر تزود اكيد زود لاى براند من المذكور فى الاعلى

لكن فى انواع تانية كتير ارخص وفيهم الكويس والوحش

لتصفح اسعار الباور بانك
من هنا
او
من هنا

************

فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا

ولا تنسى الاعجاب بالصفحة

آخبار الموقع

افضل انواع الباور بانك