بسم الله الرحمن الرحيم
النهاردة هنتكلم عن يعنى ايه ضمان دولي؟!
فى عالم تجارة الهواتف الذكية ظهر المصطلح ده من فترة كبيرة نسبيا الا ان لحد الان فى ناس مش فاهمة الموضوع ده بشكل كويس واما ابتدى الموضوع يوصل لدرجة (النصب فعليا) كان لازم نكتب الموضوع ده حتى لو ماثرناش تاثير قوى لكنها على الاقل .. محاولة !! .
اغلبية تجار الهواتف الذكية فى السوق يتعاملون بكل امانة واحترافية ولكن ككل مجال فيه الكويس وفيه الوحش .. للاسف بعض التجار بيقنعوا حسب ما سمعت من احد الاصدقاء ان الضمان الدولى هو ضمان افضل من المحلى وحسب كلام البائع انه يتيج لك امكانية تصليج الجهاز فى اي مكان :) .
للاسف الكلام ده مش صح ضمان دولى هو مصطلح يطلق على الاجهزة التى تتوفر من دون ضمان رسمى فى مصر (الضمان المحلى) وجود الاجهزة ده بيكون تم استيرادها عن طريق التجار نفسهم بشكل شخصى وليس عن طريق موزع معتمد وقد يكون طريقة وجودها فى مصر بشكل شرعي او غير شرعي .
الضمان الدولى لا يعنى ان الجهاز بدون ضمان .. ولكن قد يكون الجهاز تم استيراده من الامارات على سبيل المثال .. فبذلك يكون ضمان الجهاز المعتمد فى الامارات فقط اما فى مصر الجهاز يعد بدون ضمان .
ليس معنى المقال اطلاقا ان الاجهزة بالضمان المحلى افضل من الاجهزة من الضمان الدولى لان ممكن يكون حقيقي فرق السعر لصالحك انت فتستغله بشكل يفيدك وان امكانيات الجهاز تكون مفيدة ليك لكن المقال ده للتنبيه وللمعرفة
فى حال شرائك لاحد الاجهزة بضمان دولي من تاجر اكد عليه على ان لك الحق فى ارجاع الجهاز فى حال وجود عيوب صناعة خلال اول 14 يوم .
************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
ولا تنسى الاعجاب بالصفحة