بسم الله الرحمن الرحيم
النهاردة هنتكلم عن
امبراطوريات الهواتف - شركات اصلها واحد
هنشرح النهاردة باذن الله معلومات مثيرة للاهتمام عن قلاع صناعة الهواتف المحمولة وازاى ممكن شركات تنافس بعض بس هى فى الاصل واحد !!
بما ان مش مجالنا فى الموضوع ده التوسع فى المعلومات اوي لان الموضوع هيفرد مننا فلو عاوزين موضوع خاص بكل امبراطورية بلغونا .
*********************
الامبراطورية الاولى:
نبدا باشهر امبراطورية عالميا BBK Electronics ازاى هى الاشهر عالميا وانت مسمعتش عنها ده لانها ببياطة شركة ام بتدير ومسؤلة عن 3 شركات كلهم سمعت عنهم وكلهم ليهم مراكز عالمية محترمة وهم oppo , oneplus , vivo الثلاث شركات هم فى الاساس تابعين لنفس الشركة الام ! ولكن كل شركة بادارة مختلفة بيهمها مصالحها الخاصة وبتستهدف جمهورها وده افضل قصة نجاح لمجموعة شركات على الاطلاق على الرغم من شركة oppo تاريخ تاسيسها سنة 2004 وشركة vivo تاريخ تاسيسها 2009 الا ان بداية الانطلاقة الحقيقية للشركتين فى عالم الهواتف كان سنة 2012 واتاسست شركة oneplus سنة 2013 واول منتجاتها كان سنة 2014 ... ليه هى اعظم قصة نجاح لان فى سنة 2014 مكنش للشركات ده وجود فى الحصة العالمية الا ان فى سنة 2015 دخل شركتين وهم oppo و vivo فى مراكز متقدمة وهم السادس والسابع حسب الاحصائية التالية .. وفى 2016 كانوا فى المركز الرابع والخامس على الترتيب وده ان دل فيدل على مدى العبقرية فى التسويق لشركتين من نفس المصدر مخصصين لفئات مختلفة من البشر وطبعا نجاح oneplus معروف وليه فئته المستهدفة .. شركة بتنافس وبتجذب كل الاهتمامات تحت اسماء مختلفة ويراهم البعض منافسين !!على الهامش : اقرا الموضوع ده ( هل شركة oppo كويسة ؟ وليه ترشيحات المراجعين ليها قليلة ؟ )
 |
| احصائيات حصص السوق عالميا |
 |
| احصائيات السوق الصينى 2016 |
*******
الامبراطورية الثانية:
تانى امبراطورية معانا هى Huawei الشركة الصينية العريقة فى مجال الاتصالات ومتسيدة دائما المركز الثالث فى حصتها من السوق العالمى مع تزايد نسبتها كل سنة شافت فى سنة 2011 ان من الضروري يكون فى شركة فرعية ليها وابتدت الشركة فعلا سنة 2013 تحت اسم honor وكان انشائها تحت مبدء انت كده كده متسيد فى اغلب الفئات فى السوق بس فى جزء بيضيع منك والى هى هواتف اكثر اقتصادية وبيكون بيعها online بيخفف من تكاليفها ومن هنا ابتدت بالفعل البراند الفرعى باسم Huawei honor والى فى مصر هنا شوفنا منه honor 4x والى تسيد مبيعات فئته فى فترة من الفترات وحاليا شايفين جهاز gr5 2017 لكن نازل تحت اسم huawei وليس الاسم العالمي honor 6x وطبعا غنى عن التعريف الهاتف الى كان فى ابداع فى تصميمه honor 8 لكن للاسف مكنش موجود فى مصر بشكل رسميلتفاصيل اكتر شوف المقال ده "من هى شركة Honor"
*******
الامبراطورية الثالثة:
ثالث امبراطورية معانا هى Lenovo وهى الشركة الصينية العريقة ايضا والى لحد سنة 2015 كان وجودها قوي جدا فى الحصة العالمية والى ابتدت المنافسة من بداية 2012 بضخ استثمارات قوية جدا فى مجال الهواتف المحمولة والى اتت بثمارها وحافظت على مركز ممتاز عالميا من 2012 ل 2015 ... وفى 29 يناير 2014 اعلنت لينوفو عن شرائها Motorola Mobility من Google بسعر 2.91 مليار دولار وكمان كعادة BBK و Huawei اطلقت Lenovo براند فرعى باسم ZUK منفصل ومخصص بشكل اكبر لسوق ال online وكونت امبراطورية ناجحة لكن حاليا ابتدت تعانى من المنافسة الجبارة وكان فى عدة قرارات مهمة واولها انه مش هيتم التسويق ببراند Motorola لكن تسويق الهواتف هيكون تحت اسم Moto وموتورولا هيكون فقط على الصناديق لا اكثر كمان هيتم التوجه لنقل قسم ال smartphones بالكامل سواء فى lenovo او Motorola هيكون تحت الاسم الجديد moto خلال الفترة الجاية وهيكون التوجه للسوق باسم Moto by Lenovo*******
الامبراطورية الرابعة:
رابع امبراطورية هى الامبراطورية الاشهر افريقيا والي شهرتها كبيرة جدا فى الفترة الى فاتت فى مصر وهى امبراطورية Transsion Holdings اكيد متسمعش عنها بالاسم ده وعلى الرغم من شحوح المعلومات عن الموضوع ده لانهم مش بنفس الشهرة العالمية الى تخليك تجيب المصادر بسهولة وحتى المواقع الرسمية شحيحة المعلومات الا ان ده مؤكد ان شركة Tecno Mobile الى ابتدت سنة 2006 والى هي الاخ الاكبر لكل من itel الشركة الى ابتدت سنة 2007 و Infinix الى ابتدت سنة 2013 وبرده اتبعت نفس طريقة الشركات السابقة.. فالمهام بشكل كبير كانت متقسمة ما بين tecno الاخ الاكبر والاكثر اهتماما وانتاجا و itel المسؤل عن الهواتف الاقتصادية للغاية و infinix الى وجودها وتخصصها فى تصنيع smartphones فقط للتركيز على سوق ال online والفئة الاقتصادية .. الا انه حصل تغير فى توجه الشركة بعد ما Infinix سيطرت بشكل كبير على السوق الافريقي فكان القرار وانا ليه اسيب حد ينافسنى فى فئات مختلفة خلى الشركتين ينافسوا بعض فى كامل الفئات والى اخسره من السوق يفضل ليا .. مراكز خدمة carlcare تابعة لنفس الشركة ايضا .يهمك تقرا مقال كامل عن تاريخ شركة infinix من هنا "من هى شركة infinix - انفينكس"
بسبب ضعف اداء carlcare قامت شركة انفينكس - infinix بالتعاقد مع شركة i2 كوكيل اضافى لخدمات ما بعد البيع . اقرا تفاصيل اكتر عن الموضوع ده من هنا "تعاقد شركة i2 مع شركة infinix - انفينكس لتكون وكيل لخدمات ما بعد البيع" كمان تقد تعرف عناوين كل فروع توكيلات صيانة انفينكس كار كير - carlcare و i2 من المقال التالى "عناوين توكيل شركة Infinix - انفينكس i2 و carlcare"
لو عاوز تعرف منين تقدر تشتري منتجات شركة انفينكس - infinix فى مصر متنساش تقرا المقال ده "منين تشترى منتجات انفينكس فى مصر - infinix"
مراجع:
1 2 3 4 5 6 7 8 9 10 11 12 13 14
كلمات دلالية : موتورولا ولينوفوا تبع بعض ؟! , انفينكس وتكنو تبع بعض , honor و huawei تبع بعض , ايه العلاقة بين اوبو وفيفو ووان بلس , tecno و infinix تبع بعض
************
فى نهاية المقال نتمنى ان نكون افدناكم ولا تنسى ان ردك على المقالات يشجعنا على الاستمرار ... لافضل اسعار الهواتف من هنا او من هنا
ولا تنسى الاعجاب بالصفحة